مبروك ميلادك يا والد المهدي
اجمل تهاني اليوم للغايب نودي
يالعسكري بهالعيد فرحانه الشيعة
تظهر ولاهه الكم وتعلن البيعة
وماغير ابو صالح ابنك تره نطيعه
واجمل تهاني اليوم الشيعه اله تهدي
مبروك الف مبروك يالحسن ميلادك
انهني الزهرة ونهني اولادك
يا صاحب البرهان مشهور بمرادك
احنه انجمعنه اليوم والحقك انأدي
مبروك ميلادك الشيعة تنادي
يا ضنوة الطيبين ضنوةعلي الهادي
نحتفل هذا اليوم واطلب انه مرادي
الف الصلاة نكول بالحفل من نبدي
الشيعة فرحانة وتهني العترة
وتبعث تهاني هواي الفاطمة الزهرة
هذا ابو المهدي شوفوا شكثر صبره
خايف على وليده وهوه طفل يحبي
الشيعة فرحانة بالعيد مسرورة
تنتظر هذا اليوم كل سنة بهالصورة
آل النبي الابرار للدين دستوره
ما غير اهل البيت حبهم هوه البادي
نرسل تهانينة للمهدي بهاليوم
ونكله الف مبروك ياسيدي المعلوم
ميلاد ابوك اليوم المنه اخذت علوم
اجمل اغاني اليوم للعسكري نشدي
نسأل امن الله يكون المهدي حادينه
انريد اعلى درب الخير هوه اليدلينه
تذكرة امن المهدي بالحشر ينطينه
ولقدوم ابو صالح ارواحنه نفدي
الشيعة منتظرة وتنتظر اخباره
وتنادي يالباري سويلنه جاره
واللي يروح اليوم يضيع فجاره
انريد ابو صالح الشيعة تنادي
انهني مراجعنه والشيخ بالافراح
نشعل شموع العيد ونوزع القداح
عيد الامام اليوم كلب المحب مرتاح
افدي العمر لجله اوغيره ماعندي
القصيدة للشاعرة التي وصفها الصدر المقدس ب(شاعرة الحسجة) العلوية المقعدة والدة السيد زمن المحنّه
الخميس أبريل 10, 2008 2:47 pm