لولاج ماصارت سمه لاانوجدت املاك
ولولاج ماصارت ارض لادارت أفلاك
بيت الرسالة انتو الأصل منبع التكوين
من والدج سيد البشروالحسن وحسين
سبحان رب اللي جمع والد السبطين
انته يحيدربالولايه الباري هناك
من الباري قررفاطمه للبطل حيدر
جبريل أوحى للنبي والنبي استبشر
نورين لازم تلتقي غصبا على الشر
علاك ربك ياعلي عالبشرعلاك
أبيوم شال المصطفى هجمت الأشرار
واستوه جاي امن الدفن حيدر الكرار
نصبواسقيفه بالعجل هجموا على الدار
علاك ربك ياعلي وانغاضت أعداك
كادوامكيده الفاطمه لاذت وره الباب
كسرواضلعهايالنبي زمرة الاذناب
جتفواحيدربالحبل سيفه بالكراب
ملتزم حيدربالامرلجل الديانه
والكوم غدرت بالوصي أهل الخيانة
نكرواالبيعه بالعجل واخذوا مكانه
تدري علي المرتضى أبروحه يفداك
صارت ضحية للامرفاطمه الزهره
ريتك تشاهديالنبي الضلع كسره
منهوالذي يكدربعدياهواليجبره
ماتدري شنهواللي سده اخلاف عيناك
هاي الوديعة فاطمة كسروا ضلعها
منظر المحسن من سقط كلش فجعها
انشدهت بحيدريالنبي واخفت وجعها
صاحت يبوحسين وحسن مكدربلياك
ألشيعه حزنانه وتون لمصا بج اليوم
وتصيح وين أم الحسن والكلب مالوم
تجلي همنه أم الحسن من كل الهموم
انهض يبن حامي ألحمه الشيعة تتناك
تتناك ياراعي الأمر والكلب مجمور
وينك يبن حامي ألحمه بياساعه أتثور
كلنه اجنودالجيتك نفديلك أنحور
تأليف شاعرة أهل البيت العلوية المقعدة والدة السيد زمن المحنّة
التي وصفها الصدر المقدس بشاعرة الحسجة
الإثنين مايو 19, 2008 1:20 pm