حزنانة الدنيا
حزنانه الدنيا ومرجونه
لمصاب الزهره المحزونه
-------------------------
محزونه سر الاسرار
انصاب الضلع بالبسمار
مايدري ابوها المختار
كسروا ضلعها الخاتونه
---------------------------
انصاب الضلع خلف الباب
وانصابت ام الاطياب
ويه اصحابك الها اعتاب
تبجي وتنادي الميمونه
---------------------------
تبجي وتنادي المختار
شعلوا بيتي بويه ابنار
وجتفوا يابويه الكرار
ماهابوا حيدر وعيونه
---------------------------
تبجي وتنادي الحبابه
ماهابوا حيدر يايابه
طبوا بيتي وحركوا بابه
وسووا يابويه اليردونه
تأليف الشاعرة العلوية المقعدة والدة السيد زمن المحنّة
التي وصفها الصدر المقدس بشاعرة الحسجة