ينور العين
يم حسين ينور العين ييمه طالت الغيبه
ييمه طالت الغيبه وتدرين الكلب مجروح
وعلى فركاج يم حسين مالوم ويون وينوح
انه الشفتج على الغبره ييمه والدموع تفوح
اصيح بصوت اريد الموت ييمه العظم المصيبه
ييمه امصيبتي امصيبه يزهرة سيد الكونين
انه زينب شفت جرحج شفت كسر الضلع ضلعين
شفت محسن وكع عالكاع تمنيت انعمت عالعين
الكلب مجروح يون وينوح ييمه الراح شيجيبه
ييمه الراح شيجيبه يزهره يااساس الكون
عليج تجسر الملعون دكليلي ييمه شلون
حزنان الانس والجان ودوران الفلك مرجون
اساس الكون تروح شلون دفنوها بأرض طيبه
يزهره ياأساس الكون والكون انخلق لجلج
دكليلي بهذا الكون ياهو اللي ارتقت مثلج
ابوج المصطفى الهادي وابويه حيدره بعلج
اخويه حسين يدير العين لمصابج عله انحيبه
انتي الكوثر الموصوف وانتي آية التطهير
هالآيه انزلت للبيت ولغيرج ابد متصير
هذا امقدر ومكتوب وبأمره الامور اتسير
والقرآن اله برهان بالمحشر هو يجيبه
ييمه انه محتاره محتاره وادير افكار
شتكول اشتعتذر منج ييمه زمرة الاشرار
يوم ينادي بالمحشر يريد الدين واخذ الثار
ذاك اليوم ياقيوم تصير الوادم ابريبه
من تأليف الشاعرة العلوية المقعدة والدة السيد زمن المحنّة
التي وصفها الصدر المقدس بشاعرة الحسجة
الإثنين مايو 19, 2008 1:11 pm